Il ePortal vegn sviluppà vinavant e meglierà cuntinuadamain. A partir d'immediat As stat a disposiziun ina nova funcziun: Sin il ePortal pudais Vus ussa cuntanscher stgalims da confidenza pli auts.
Ed uschia funcziuna quai:
Cumenzai il process en Voss profil directamain sur il menu «Vertrauensstufe erhöhen».
- Il stgalim da confidenza il pli bass survegnis Vus automaticamain cun la registraziun.
- Per cuntanscher il stgalim da confidenza mesaun, dovri ina identificaziun per video. Vus duvrais ina carta d'identitad u il passaport e Voss telefonin, per pudair far ina registraziun da video da Vossa fatscha.
- Per il stgalim da confidenza suprem dovri l'indicaziun da Voss numer AVS. Quel vegn cumpareglià cun il Register naziunal da la AVS.
Sche Vus avais cuntanschì il stgalim da confidenza suprem, avais Vus ina identitad electronica resistenta – ina cumprova d'identitad segira en il spazi digital da l'administraziun chantunala dal Grischun.
Per quest intent èn necessaris ils stgalims da confidenza:
Actualmain po la gronda part dals servetschs vegnir utilisada senza annunzia u cun in eConto sin il stgalim da confidenza il pli bass. La purschida da servetschs sin il ePortal vegn dentant extendida cuntinuadamain. En l'avegnir vegn ad esser necessari per tscherts servetschs (p.ex. decleraziun da taglia) il stgalim da confidenza mesaun u suprem.
Avais Vus dumondas u duvrais Vus agid? Alura vegni a savair dapli en noss agid online.