Agid online: Dumondas e respostas

Vossas datas vegnan arcunadas ed elavuradas entaifer l'administraziun chantunala e betg surdadas a terzas persunas. I vegnan duvradas mo las datas ch'èn necessarias per exequir in tschert servetsch.

Sche Voss eConto è vegnì bloccà da l'administraziun chantunala, avais Vus survegnì ina infurmaziun correspundenta per e-mail. En il e-mail chattais Vus in link al formular che serva per debloccar il eConto. Sche Vus inoltrais quest formular emplenì, ans mettain nus en contact cun Vus.

Sche Vus vulais laschar bloccar Voss eConto, As drizzai per plaschair a noss support. Per quest intent pudais Vus emplenir ina dumonda da support u ans cuntanscher per telefon sut il numer 081 553 35 55.

Quest eConto As pussibilitescha in access segir a las prestaziuns digitalas da las autoritads dal chantun Grischun. Vus survegnis access a Voss profil persunal, a la chascha postala sco er a l'archiv da documents.

Na, la registraziun d'in eConto è gratuita. L'utilisaziun da tscherts servetschs po dentant – sco gia oz al spurtegl – er en il spazi digital esser colliada cun ina taxa.

Tscherts servetschs èn utilisabels senza in eConto, auters èn munids cun in simbol d'in marschlos. Per questa utilisaziun èsi necessari, che Vus As identifitgeschias cun agid da Voss eConto.

Vus pudais stizzar Voss eConto da tut temp sin il ePortal. Giai sin Voss profil d'utilisader sin «stizzar eConto» e confermai la procedura. Resguardai che tut las communicaziuns, tut las colliaziuns e tut ils documents arcunads e colliads cun auters servetschs vegnan allontanads cun stizzar Voss eConto.

Il ePortal ademplescha auts standards da segirezza ed ha lieus d'arcunaziun segirs. Per l'administraziun chantunala dal Grischun è la protecziun da las datas persunalas d'ina impurtanza centrala. Nus dumandain uschè paucas datas sco pussaivel e duvrain mo quellas datas ch'èn er effectivamain necessarias per in tschert servetsch. Nus controllain, quant bain che Vossas datas ston vegnir protegidas e faschain – en cas da basegn – in concept da segirezza. Expertas ed experts fan cuntinuadamain tests, sch'ils servetschs digitals e l'infrastructura dad IT han flaivlezzas, quai per garantir, che nagin n'haja nunautorisadamain access a Vossas datas. La gronda part dals servetschs digitals vegn arcunada entaifer l'administraziun chantunala dal Grischun. Singuls servetschs vegnan furnids da purschiders externs; cun quels ha l'administraziun chantunala dal Grischun fatg cunvegnas contractualas che garanteschan in aut standard da la protecziun da datas.

In eConto po vegnir creà en mintga vegliadetgna. La gronda part da las fatschentas d'autoritads èn dentant pussaivlas pir cun 18 onns.

In eConto n'ha nagina data da scadenza e resta valaivel uscheditg ch'el vegn utilisà. Sch'in eConto n'è betg vegnì duvrà durant 2 onns, vegn el deactivà. Suenter ulteriurs 2 onns senza far diever dad el vegn el stizzà.

Tut tenor tge servetsch che Vus vulais utilisar, duvrais Vus in eConto. Per quest intent pudais Vus cuntanscher trais differents stgalims da confidenza. Il stgalim da confidenza il pli bass è la registraziun. Per quella èn necessarias in pèr indicaziuns davart Vossa persuna ed in'autentificaziun da dus facturs. Il stgalim da confidenza mesaun è l'identificaziun per video. Per quella duvrais Vus in document d'identitad valaivel (p.ex. la carta d'identitad u il passaport) e Voss telefonin, per pudair far ina regis-traziun da video da Vossa fatscha. Per cuntanscher il stgalim da confidenza suprem, dovri l'indicaziun da Voss numer AVS. Quel vegn cumpareglià cun il Register naziunal da la AVS. Uschia obtegnais Vus l'identitad electronica resistenta, ed uschia ina cumprova d'identitad segira en il spazi digital da l'administraziun chantunala dal Grischun.

L'identitad electronica resistenta è ina cumprova d'identitad segira en il spazi digital da l'administraziun chantunala dal Grischun. Tut tenor tge servetsch che Vus vulais utilisar, duvrais Vus questa cumprova d'identitad. Uschespert che Vus selecziunais in tal servetsch, vegnis Vus manads correspundentamain tras la controlla d'identitad. Sche Vus avais gia l'identitad electronica resistenta, pudais Vus utilisar directamain il servetsch respectiv.

L'identitad electronica resistenta cun agid dal eConto vegn duvrada per utilisar ils servetschs digitals che vegnan purschids sin il ePortal da l'administraziun chantunala dal Grischun. Ella po plinavant vegnir utilisada per servetschs da vischnancas che vegnan purschids entaifer il chantun Grischun. Pli tard vegn la Confederaziun a metter a disposiziun la e-ID. Questa identitad electronica renconuschida dal stadi vegn a permetter da cumprovar cun vigur legala l'identitad en il spazi digital. Ella vegn emessa da la Confederaziun e vegn ad esser valaivla en l'entira Svizra.

Ils documents d'identitad valaivels èn il passaport svizzer, la carta d'identitad svizra ed auters documents d'identitad tenor la glista da pajais.

Sche Vus avais in problem cun fotografar Voss document d'identitad, faschai attenziun ch'in det u objects na cuvrian betg il document en il sectur marcà. Controllai, che naginas glischs u reflecziuns na disturbian la fotografia, e che Voss document d'identitad saja net e bain legibel. Muventai Voss document durant fotografar in pau enavant ed enavos e faschai attenziun che Vus hajas prendì la vart correcta (vart davant resp. vart davos) dal document. Sch'i na funcziuna tuttina betg da far la fotografia, contactai noss support. Vus pudais ubain far ina dumonda da support sur il formular ubain contactar il support da tuttas uras per telefon sut il numer 081 553 35 55.

Sche Vus avais problems cun l'identificaziun per video, controllai, che Vus hajas avunda glisch d'ambient ed empruvai d'evitar moviments svelts. Faschai attenziun da na purtar nagins accessoris che cuvran la fatscha (p.ex. egliers da sulegl, cuvridaschau, uregliers). Controllai en Voss eConto Vossas datas persunalas, sco il num e la data da naschientscha. Il prenum ed il num da famiglia ston vegnir endatads cumplettamain ed en la medema scripziun sco sin il document d'identitad. Sche l'identificaziun na funcziuna tuttina betg, contactai noss support. Vus pudais ubain far ina dumonda da support sur il formular ubain contactar il support da tuttas uras per telefon sut il numer 081 553 35 55.

Sche Vus avais problems cun la controlla da Voss numer AVS, controllai che Vus hajas endatà correctamain il numer. El sto avair 13 cifras e cumenzar cun la retscha da cifras 756. Sche la controlla na funcziunass tuttina betg, contactai noss support. Vus pudais ubain far ina dumonda da support sur il formular ubain contactar il support da tuttas uras per telefon sut il numer 081 553 35 55.

Na, la SwissID n'è betg necessaria. Sche Vus avais dentant gia ina SwissID, pudais Vus far diever da quella enstagl da la registraziun u connectar quella cun il eConto suenter la registraziun.

Per la registraziun cun autentificaziun da dus facturs duvrais Vus l'access a Voss conto dad e-mail ed als messadis SMS da Voss telefonin, per che Vus possias survegnir ed endatar ils codes da conferma. En Voss e-conto sut «meds d'autentificaziun» pudais Vus administrar adressas dad e-mail, numers da telefonin ed apps d'autentificaziun per l'access al e-conto

Per crear Voss eConto duvrais Vus in num d'utilisader che po vegnir elegì libramain. Plinavant dovri l'indicaziun da Voss prenum e da Voss num da famiglia, sco ch'el figurescha en Voss document da legitimaziun uffizial p.ex. in passaport u ina carta d'identitad. Per l'autentificaziun da dus facturs duvrais Vus ultra da quai Voss numer da telefonin e Vossa adressa dad e-mail. Suenter che questa registraziun è vegnida fatga cun success, pudais Vus cumplettar Vossas indicaziuns persunalas.

Sche Vus n'avais betg survegnì in code da conferma sin Vossa adressa dad e-mail, controllais Vus, sch'il messadi n'è betg sa tschentà en l'ordinatur da spam u junk. Sche Vus n'avais betg survegnì in code per SMS, contactai per plaschair noss support. Per quest intent pudais Vus emplenir ina dumonda da support u ans cuntanscher per telefon sut il numer 081 553 35 55.

Cliccai sin «Pers l'access?» en il segund pass da la mascra d'annunzia. Suenter As vegn tramess in code da conferma per SMS sin Voss numer da telefonin. Suenter suandais Vus las instrucziuns per endatar ina nova adressa dad e-mail.

Cliccai sin «Nov numer?» en il segund pass da la mascra d'annunzia. Suenter As vegn tramess in code da conferma a Vossa adressa dad e-mail. Suenter suandais Vus las instrucziuns per endatar in nov numer da telefonin.

Cliccai sin la mascra d'annunzia sin «Emblidà il pled-clav» ed endatai Voss numer da telefonin. Suenter survegnis Vus in code da conferma sin Voss telefonin. In segund code da conferma vegn tramess a Vossa adressa dad e-mail. Suenter pudais Vus fixar in nov pled-clav per Voss e-conto.

Sche Vus avais emblidà Voss num d'utilisader, contactai per plaschair noss support. Per quest intent pudais Vus emplenir ina dumonda da support u ans cuntanscher per telefon sut il numer 081 553 35 55.